રોકશો મને…

તમારા ડગ જોડે ડગ માંડતા રોકશો મને ,

તમારા પગલા પર ચાલતા કેમ રોકશો મને !!!

મારા સ્પર્શ ને રોકશો તમે ,

તમને સ્પર્શી મને અનુભવાતી હવાને કેમ રોકશો !!!

મદીરાલયમાં જતા રોકશો મને ,

તમારા નયનના જામ પીતા કેમ રોકશો મને !!!

તમને જોતા રોકશો મને ,

તમારી તસવીર ને નયનમાં ઉભરતી કેમ રોકશો !!!

તમારી નજરમાં પ્રવેશતો રોકશો મને ,

પણ તમારી યાદોમાં પ્રવેશતો કેમ રોકશો મને !!!

તમારો“દિવાના” બનતા રોકશો મને ,

પણ મારા “દિવાના” બનતા કેમ રોકશો ,

તમારા કોમળ દિલને તમે !!!