પ્રેમભરી આ દ્રષ્ટિ તારી

પ્રેમભરી આ દ્રષ્ટિ તારી મુજને આમંત્રણ આપે,

જોયા ની સાથે જ ભીતરે મારા એક ઉન્માદ સ્થાપે;

રોમાંચિત દિલ ધરતાં મારા સઘળા કલેશ મીટાવે,

મળવા માટે એક થવાને એ આમંત્રણ આપે…

પ્રેમભરી આ દ્રષ્ટિ તારી મુજને આમંત્રણ આપે…

પ્રેમ છલકંતી અમી વહેતી સ્વર્ગસુખ ભરી દે,

જોયા ની સાથે જ ભીતરે મારા આરામ ધરી દે;

અનુરાગ આંજેલી આંખો તારી મુજને આલાપે,

જીદગીભર તારી સાથે રમવા એ આમંત્રણ આપે…

પ્રેમભરી આ દ્રષ્ટિ તારી મુજને આમંત્રણ આપે…

પ્રેમભરી આ દ્રષ્ટિ તારી મુજને કૃતાર્થ કરનારી,

જોયા ની સાથે જ ભીતરે મારા કરુણાભરી દે;

હસે જો તુ તો બધું પ્રફુલ્લિત, સમીર સૌરભ,

દિશામાં રંગત ઉમળકા સાથે એ ભાવ ટપકે,

મોહિત કરી મારા દિલ ને એ આમંત્રણ આપે…

પ્રેમભરી આ દ્રષ્ટિ તારી મુજને આમંત્રણ આપે…

સતત દ્રષ્ટિ માં અંક્તિ છે તારા પ્રેમનુ સ્વરૂપ,

આપણા વચ્ચે નું આ અતુટ બંધન અમર રહે,

જોયા ની સાથે જ જાન બનીને દિવાનો બનાવે;

અમૃત તારી દ્રષ્ટિ નુ મુજ અણું અણુંમાં વ્યાપે,

દર્દ મીટાવી મારી જીદગી ના એ આમંત્રણ આપે…

પ્રેમભરી આ દ્રષ્ટિ તારી મુજને આમંત્રણ આપે…

– દિવ્યેશ જે. સંઘાણી